إزاي تستخدم إضافات Google Chrome لزيادة إنتاجيتك
لو بتقعد بالساعات قدام المتصفح بتكتب، بتذاكر، بتشتغل أو حتى بتدور على أفكار جديدة، فالإضافات بتاعت Google Chrome ممكن توفر عليك وقت ومجهود كبير جدًا. الفكرة كلها إنك تحمّل إضافات بسيطة تزودك مميزات مش موجودة أصلًا في المتصفح.
يعني إيه Extensions؟
Extensions هي أدوات صغيرة بتضيف وظائف جديدة للمتصفح بتاعك. زي إنك:
-
تتحكم في الإعلانات.
-
تحفظ كلمات السر.
-
تنظم التبويبات الكتير.
-
تاخد ملاحظات بسرعة.
-
تدير مهامك من غير ما تفتح مواقع تانية.
إزاي تركب Extension؟
1- افتح Chrome.
2- روح على Chrome Web Store.
3- دور على الإضافة اللي عايزها (أكتب اسمها في البحث).
4- لما تلاقيها دوس Add to Chrome.
5- هيظهرلك Pop-up دوس Add Extension وخلاص.
أمثلة لإضافات مهمة للإنتاجية
💡 1. Grammarly
بتساعدك تصحح الأخطاء الإملائية والنحوية لو بتكتب كتير.
💡 2. Todoist
بتحط Tasks وقوايم مهامك مباشرة من المتصفح.
💡 3. Momentum
بيغيرلك التبويب الجديد لحاجة تحفيزية فيها To-do وأهداف يومية.
💡 4. StayFocusd
بيقفللك المواقع اللي بتضيع وقتك زي فيسبوك ويوتيوب بعد وقت معين انت بتحدده.
💡 5. LastPass
بيحفظ كلمات السر ويملالك الـ Login Forms أوتوماتيك.
شوية نصايح
-
ماتركبش إضافات كتير عشان المتصفح ميبطأش.
-
اختار بس اللي فعلاً بتحتاجه.
-
حدّث الإضافات باستمرار عشان تشتغل كويس.
-
لو لاحظت إن في إضافة بتستهلك RAM كتير، احذفها أو بدّلها.
ازاي تدير الإضافات؟
-
لو عايز تعطل إضافة مؤقتًا:
-
اضغط على علامة البازل فوق جنب شريط العنوان.
-
اختار Manage Extensions.
-
تقدر توقفها أو تشيلها خالص.
-