إزاي تستخدم Notion لتنظيم شغلك ومذاكرتك
لو بتضيع وقتك بين نوتس هنا وهناك وورق مكتوب وورد على الموبايل، جرب تجرب Notion. البرنامج ده بقي ترند عند ناس كتير من طلبة ومبرمجين وصنّاع محتوى لأنه بيلم كل حاجة في مكان واحد.
يعني إيه Notion؟
Notion برنامج أو تقدر تقول مساحة عمل متكاملة. تقدر تستخدمه كدفتر ملاحظات، مدير مهام، جدول مذاكرة، حتى تخزن فيه ملفات وروابط وأفكارك كلها. كله في مكان واحد ومنظم.
Notion مفيد في إيه بالظبط؟
-
تكتب ملاحظاتك بشكل منظم وبستايل مرتب.
-
تعمل To-do lists وجداول متابعة المهام.
-
تخطط مشاريعك الكبيرة خطوة بخطوة.
-
تذاكر بيه دروسك وتحط روابط ومصادر.
-
تقدر تشتغل عليه لوحدك أو مع فريق.
إزاي تحمّله أو تستخدمه؟
-
ممكن تستخدمه أونلاين من المتصفح من موقع notion.so.
-
أو تحمّل النسخة الخاصة بالويندوز أو الموبايل عشان يبقى معاك في أي وقت.
-
التسجيل مجاني وأسهل حاجة. اعمل حساب بالإيميل أو جوجل وخلاص.
شوية خطوات تبدأ بيها
1- بعد ما تسجّل دخول هتلاقي مساحة العمل فاضية قدامك.
2- تقدر تختار Template جاهز لو عايز حاجة سريعة (مثلاً: Notes, To-do, Roadmap).
3- أو تبدأ صفحة جديدة فاضية وتضيف فيها عناصر زي:
-
عناوين.
-
جداول.
-
قوائم مهام.
-
صور أو روابط.
4- كل حاجة بتسحبها وتحطها زي ما انت عايز.
مثال بسيط لمذاكرة مادة
افتح صفحة جديدة وسميها اسم المادة، حط فيها:
-
جدول مواعيد المحاضرات.
-
المهام اللي عليك فيها.
-
روابط الفديوهات أو الكتب.
-
ملاحظاتك وأسئلة الامتحانات القديمة.
ليه ناس كتير بتحب Notion؟
لأنه مرن جدًا. تقدر تستخدمه بأي طريقة تناسبك. مش بيقيدك. وفيه ناس بتصمم فيه Templates وتشاركها ببلاش عشان تسهلك الشغل.
شوية نصايح
-
نظم صفحاتك داخل Workspaces عشان متتلخبطش.
-
جرب الDark Mode لو بتذاكر بالليل.
-
لو عندك فريق أو زملاء، اعمل صفحات مشتركة تقدروا تشتغلوا عليها سوا.