إزاي تسطب توزيعة Ubuntu على VirtualBox
لو عايز تجرب لينكس من غير ما تغيّر حاجة في جهازك الأصلي، أسهل حل إنك تركبه جوه VirtualBox كنظام وهمي. التوزيعة الأشهر واللي ناس كتير بتبدأ بيها هي Ubuntu لأنها بسيطة وسهلة وفيها كل اللي تحتاجه.
يعني إيه Ubuntu؟
Ubuntu دي واحدة من أشهر توزيعات لينكس، مناسبة للمبتدئين جدًا. فيها واجهة رسومية سهلة، وبرامج كتير بتتسطب بضغطة واحدة، وكمان فيه دعم كبير ومجتمع ناس بتساعد بعض.
محتاج إيه قبل ما تبدأ؟
1- تكون مسطب VirtualBox عندك (لو مش عندك شوف الشرح بتاعه اللي عملناه قبل كده).
2- تحمّل نسخة Ubuntu بصيغة ISO من الموقع الرسمي:
-
حمل النسخة المناسبة (يفضل LTS لأنها ثابتة).
إزاي تجهز الجهاز الوهمي؟
1- افتح VirtualBox واضغط New.
2- اكتب اسم التوزيعة: Ubuntu.
3- هيحدد النوع Linux والإصدار Ubuntu تلقائي، لو لأ اختارهم يدوي.
4- حدد الرامات (يفضل على الأقل 2 جيجا، ولو جهازك يستحمل خليهم أكتر).
5- اعمل هارد وهمي جديد:
-
اختار Create a virtual hard disk now.
-
اختار VDI.
-
اختار Dynamically allocated.
-
حدد الحجم (20 جيجا أو أكتر حسب استخدامك).
ربط ملف ISO
1- بعد ما الجهاز الوهمي يتعمل، اضغط عليه واختار Settings.
2- من قسم Storage اختار Empty قدام الـ Controller.
3- اضغط على رمز السي دي عشان تختار ملف ISO.
4- حدد نسخة Ubuntu اللي حملتها.
بدء التثبيت
1- اضغط Start.
2- هيقلع الجهاز الوهمي ويبدأ معاك مُثبت Ubuntu.
3- اختار Install Ubuntu.
4- حدد اللغة وبعدها Continue.
5- حدد الإعدادات اللي تناسبك (يفضل Normal installation).
6- لما يوصل لجزء تقسيم الهارد، اختار Erase disk and install Ubuntu (مفيش خوف، هيتمسح الهارد الوهمي بس).
7- دوس Install Now وكمل باقي الخطوات (تحديد المنطقة الزمنية – إنشاء مستخدم – باسورد).
بعد التثبيت
-
أول ما يخلص التثبيت هتلاقي Ubuntu شغال قدامك.
-
اعمل Restart لو طلب منك.
-
هتدخل على سطح مكتب Ubuntu وتبدأ تجرب براحتك.
شوية نصايح
-
جرب تثبت Guest Additions من قائمة Devices عشان الشاشة تبقى Full Screen ويتظبط الصوت والماوس.
-
احفظ Snapshots للجهاز الوهمي من وقت للتاني عشان لو لعبت في حاجة غلط ترجع بسهولة.
-
استخدم مدير الحزم (Software Center) جوه Ubuntu عشان تثبت البرامج اللي تحتاجها.